टंकलेखन, ब्युटीपार्लर प्रशिक्षणासाठी अर्ज सादर करण्याचे आवाहन

 आदिवासी युवा (adiwasiyuva.com)

✍️गोपाल गावित सर, जिल्हाध्यक्ष प्रहार शिक्षक संघटना

नंदुरबार, दि.८ : आदिवासी विकास विभागामार्फत न्यूक्लिअस बजेट योजना सन 2021-2022 अंतर्गत अनुसूचित जमातीच्या युवक -युवतींना संगणक टंकलेखन प्रशिक्षण देणे तसेच युवतींना ब्युटीपार्लरचे प्रशिक्षण देण्यासाठी नंदुरबार, नवापूर व शहादा तालुक्यातील अनुसूचित जमातीच्या युवक- युवतींकडून 14 मार्च 2022  पर्यत अर्ज मागविण्यात येत आहे.

 

योजनेचा लाभ घेण्यासाठी अर्जासोबत जातीचा दाखला, दारिद्रय रेषेखालील (बीपीएल) दाखला, उत्पनाचा दाखला, आधारकार्ड, शाळा सोडल्याचा दाखला, दहावी व बारावी गुणपत्रकांची झेरॉक्स प्रत तसेच अर्जदाराचे नजीकच्या काळातील दोन पासपोर्ट साईज फोटो, इत्यादी कागदपत्रे अर्जासोबत जोडणे आवश्यक राहील.

अधिक माहिती व अर्जासाठी (सुटीचे दिवस वगळून ) एकात्मिक आदिवासी विकास प्रकल्प कार्यालय, नंदुरबार येथे संपर्क साधावा, असे आवाहन प्रकल्प अधिकारी तथा सहाय्यक जिल्हाधिकारी मीनल करनवाल यांनी प्रसिध्दीस दिलेल्या शासकीय पत्रकान्वये केले आहे.